ifarrni

ixaya9 wor ino

ixaya9 wor ino x zmana di nadja
acc7ar ghanak nsbar di donacct n'fana
nxzar sthitawin 3amas imanahna
3amas anagh thsagad 3amas anagh thaccna
wan yadjan damasram dithmasi yatnana
wasacc9in rabra9i d'yatwatan zgjana
wasacc9in issayman ghayamthan thiwacca
mayamo gha na9im nadar di ma7thadja
naccin 3ad 9a nattas marmi das nwana
marmi das nkharas anakar anabna
wllah imanamath naccin dimadadja
anamath di wathman naccin mamacc nadja
anamath xa thmorth nagh thani idhi nayma
zi thmorth imazighan arthamorth nssa7ra
wantaji bora3do adyadhaf zi bara
axzath gha wodayan minaggin di ghaza
9ad3an radi7anjin bal3an thamazyida
axzath gha wmarikan dil3ira9 diraza
wayaji borab7ar wayaji ya jana
wayaji thinadam thamorth tanhaza
ma yamo gha na9im gharas n'tan7aza
s'thralli yaghwanagh nata y9ata 7aja
thamorth n'yamsarman yarit 9a3 darwata
yacca thasgharth nagh so9artas n'rakrat
i7anjin warofin ora dhbatata
ta thiralli nzmana di nadja
wani wasyakhdiman adyini manaya
adhyini idanad wadji amanhara
adyini azadghath wadji mosaggasa
rab7ar rabda yahwar yogi adyarassa
badath xidan nwam witrajath thiwacca
thiralli gha dawar dagfasan tibar7ana

ajthanagh anaxzar

ajthanagh anaxzar our nnagh adifaja
imacc7ar z'aggami 9anagh 3ad natraja
mayamo gha na9im naddar ghar di thirja
mani thro7 thrali thani inta7daja

nasitim ntxayar nxazar ghar ojjana
ntnos bra yidas nhaddam nbana
thodarth nnagh tharwi 3amas imanahna
3amas wnagh thsagad adas nini thaccna

natro imattawan imattawan 9dan
nbad xi dan nnagh ifadan nnagh awdan
wanzamar ananhaz rabda daynagh a7dan
wanzamar anas9ar idamn nnagh a7man

mayamo gha na9im naddar xasan basif
macc7ar timana igharnagh da gzadjif
n's3ado daggosan zi rmaccta gharakhrif
nwadar dagzoray jar idorar n'rrif

ayalalla yama min khaf kasigh rham
arabokhth x wa3ror amwajjaj inaham
amadjirath amozir rabda dayi ihadam
wazamagh adakagh adarigh s' ra9ram

r9ad yarraz dayi ifasyayi wadof
thabdam thodarth ino thaggintath d'radrof
thaggintath drawzi3ath iyajdidan n'rajrof

لقُــودْ سْ نــَّاغْ


جارْ ءوقاَرْطَاسْ تُّوذَاشْتْ ـ تْ ـ مَاسّي ذادّاَخَّــانْ
ءيحَانْــجَانْ ءاشَّاثنْ ـ سْ ـ يدْجْيانْ ـ تْ ـ حجَّان
ءوذايْـنْ ـ نْخَارْعَانْ واَثاَنْ يَاكْسِـي وَامْشــانْ
ءارازْمَانْ ءاقَمومْ ذاهْشَانْ ـ ذ ـ كّْحَانْجَارْ ءامَازْيانْ
يَاتْمَاراغ يَاتْبَاكـيـكّيضْ ذاكذامَّانْ نَّاسْ يَاحْمــانْ
ءاسْغُويوونْ ذوكـجَانَا ءيدُّونَاشْتْ ـ تْ ـ رَاغـَـانْ
ءارّاحْماثْ واثاَقّيمْ ـ ذَي ـ كومْشُومَا نـازْمـَانْ
رَاضِجْ ءاثَانْ يَعــثــاقْ ـ سْ ـ ثْــنَاقــيّتْ ـ نْ ـ وَامَـانْ
ءازّيدْجّــيزَانْ ءيواسُّورَا ـ تْ ـ واسُّورا ذيسَايْمـانْ
ـ سُو ـ قَارْطاسْ تمَاسي ضو هَارْواضْ تمَاتانْ
دَّونَـــاشْتْ ثْخَازَّارْ مَّارا داغْرَانْ عْمـَــانْ
بازْ ـ بازْ ءييحَانْجارانْ يَامُّوثانْ ـ سْ ـ رْغَاذرانْ
ثيمْغَارينْ ـ سْ ـ غويُّونتْ ـ سْ ـ رَاوْريوَانْــتْ ـ خي ـ مَاضْرانْ
را ذينّي يَاموثانْ ـ سْ ـ ثياسْتْ خْسَا دكَّانْ
ءاذوثــانْ ذاكوذايْ وانّي خَانَاغ يَاطغانْ
يَاشَّا ثَاسْغاثْ نَّاغ ـ سَا ـ ثزامَّارْ غَارَاسْ يدْجَّانْ
لْقودْسْ نَّاغ ءاذايَــاسْ نَازّادَْجْ جَارْ ثْمَاسِي ـ ذ ـ دَّخانْ
وَاخَّا يَاهوادْ خَانَاغ يَابَّـاشْـدْ ءومَاريكانْ
ـ سَا ـ جّاهْاذْ ناَرَابي نَاشّينْ وَانَاغ زَامَّانْ
كّينْ فوسْ ءاك فوسْ ءارَازُّونْ ءانَاغْ ءاخْرانْ
هَاذْمَانْ ثوذْرينْ ءانَّاغ ثيني توغَا يَابْنانْ
ءاشّينْ ثَاسْـــغاثْ نَّاغ ثاني توغَا يَاصْفانْ
حَاوْسَانْ ثَاموّثْ نَّاغ ثاني توغَا يَابْضــانْ
مَاني نَادّجَا نَاشّينْ وَاغاَنَاغ بوامْشـــان
مَاني توغَا كَانّيوْ ءينّي توغَا يَارْهانْ
مَاني يَادْجَّا وَاوارْ ـ زي ـ غَايَاظــهارْ شَّانْ
نيثني غَاسَانْ رْحَاقْ نَاشّينْ عاذ وربَـــــان
ءاخْمينّي وَانَــادْجِي ـ راَ ـ ناشّينْ ـ زَا ـ كيوْذانْ
مَايَامو ـ غَا ـ نَاقّيم ْرَابْدَ ا ـ غَا ـ ذوكـامـكَّــانْ
ـ سُو ـ قارطَاسْ تْمَاسّي واَنّي غَارْسَانْ يادْجَّانْ
نَاشّينْ َواَر ـ نْ ـ تَـاقنـِــيضْ ءارَابي ذامَقـرَانْ * * *
* * * * * * * *
الحسن المساوي


باريس يوم 15\10\01

ixaya9 wor ino

ixaya9 wor ino x zmana di nadja
acc7ar ghanak nsbar di donacct n'fana
nxzar sthitawin 3amas imanahna
3amas anagh thsagad 3amas anagh thaccna
wan yadjan damasram dithmasi yatnana
wasacc9in rabra9i d'yatwatan zgjana
wasacc9in issayman ghayamthan thiwacca
mayamo gha na9im nadar di ma7thadja
naccin 3ad 9a nattas marmi das nwana
marmi das nkharas anakar anabna
wllah imanamath naccin dimadadja
anamath di wathman naccin mamacc nadja
anamath xa thmorth nagh thani idhi nayma
zi thmorth imazighan arthamorth nssa7ra
wantaji bora3do adyadhaf zi bara
axzath gha wodayan minaggin di ghaza
9ad3an radi7anjin bal3an thamazyida
axzath gha wmarikan dil3ira9 diraza
wayaji borab7ar wayaji ya jana
wayaji thinadam thamorth tanhaza
ma yamo gha na9im gharas n'tan7aza
s'thralli yaghwanagh nata y9ata 7aja
thamorth n'yamsarman yarit 9a3 darwata
yacca thasgharth nagh so9artas n'rakrat
i7anjin warofin ora dhbatata
ta thiralli nzmana di nadja
wani wasyakhdiman adyini manaya
adhyini idanad wadji amanhara
adyini azadghath wadji mosaggasa
rab7ar rabda yahwar yogi adyarassa
badath xidan nwam witrajath thiwacca
thiralli gha dawar dagfasan tibar7ana


sam7athanagh khthira nigh cca nalghlat ath9adawam mara

chahrazad

zmana dinadja wayadji a'7adhom
zman n'chahrazad yagoran xa ssadjom
ra39ar nas ntajdit iyarsin xo sakom
thakar twajwij dayas ghar a9amom
al7afid awlayallah tajadjit n'rahmom
watag wathasnani wathasin iwaghrom
tha9arach watatagh bowangor ohamom
taxs gha platano tacwact n'wayssom
wath3ata9 ajjiran wath3ata9 bora3mom
ur annas dama7sad i3amar s'rasmom
wadayas arra7math gha yasganfan anayzom
axam nas tharith srahmom itodom
i3amar s'waman iwi gha yxsanwadji a adi3om
ayasyadi rajwad ikmanaya thanom
thzar3ith dimandi ighamid dayamom
thmajar thasarwath atssayaf di rahmom

ثََــارِيـفْــاشْـتْ

مْغارَاغْدْ جَارْ ءيذُورارْ يَازُّاونْ تَاهَانْدَاشْـتْ
مْغارَاغدْ ذيتامارى ثوذاثْ تَّاناَقْسَاشْـتْ
راَذْمَازْري وَاثَاريغْ نْقَامَّاحْ ثَانَفْسَاشْــتْ
ثَودَّارثْ بْرَا رَاقْوارْ ثَاوَّأثْ تّيجَارَّاشْتْ
ءامْثَانّي ثَازَارْماتْ ءامثَانّي ثَفوسَاشْتْ
زَاكْرونْ تَّامَاعْراتْ ثْفـاوْتْ تّارَازّاَشْتْ
ثْفوشْتْ غارْ ءاتَغْري ءانَقْضَاعْ ثَحَاسَّاشْـتْ
مَاعليكْ رَاغْبَانْ ذايازْ ءاثَنْغَاغْ ـ سَا ـ ثْخَاذْمَاشْـتْ
طَاطْسَاغْ ـ خي ـ مَاطَّوانْ دُّارَاغ ـ سَا ـ ثْحَافَــشْــتْ
ءاخْريغْ ثَامّورثْ ءينو ـ غَا ـ ثمورْثْ تَّارومَاشْـتْ
يَاضَاغْ ءارُوضْ نْسَانْ نْدارغْ ـ رَا ـ تَّافوقَاشْـتْ
نْدَامّاَغْ ءاياَمَّا وَاروْيَاغْ ثَاريفَاشْــتْ
ءاتَاكَّاغْ ذَوكاخامْ ءامَاشْناوْ ثْخَــابَـاشْــتْ
ثَانّي يْتارْضَانْ راَيْزارْ تّاَقَّانْ ثَسَابْــنَـاشْـتْ
تْشَادَّى ءاحَازَّامْ تَّــايَارْ ثَسَــاداشْــتْ
ثْسيرتْ ـ نْ ـ وَاري ثَرَّادْ خَاسْ ثَاقَبَّــاشْـتْ
ثْفَتَّارْ ءاحَارْبيضْ ذوُحَارْحورْ ذيثَـبـْقَـشْــتْ
ءازْري نَّاسْ ذابوري ءامشْناوْ ثَراَفْــثـاشْتْ
ءاتَادَّراَذْ ذِيرَاهْنا وَشَاتاكْ ثَـــسَانــدَاشْـتْ
نْدَامَّاغْ ءايَماّ وَاروْيَاغْ ثَاريفاَشْـتْ
ءيوْياغْ لْمُوصيبا ثَافْغايي تَاجَانَّاشْـتْ
ثَــافْــغَايي تّيمَاسي ثَاكَّايي ثاذَارّاَشْــــتْ ...

باريس يوم 03/12/22

nac da llif nas

adasghoyagh da g’jana mara ghari thas7as
daragh gha wa7di xami djigh di ra7bas
thani yaxs wor ino a9at rabda wa7das
ismino 9athasnith anac da llif nas
xami dayas xazagh itaxs adayi bad annafs
tnosagh txarasagh fa9agh bra yidas
adofino yafsi ya9imayi ghar ighas
atrogh imatawan sajjahd wadji sar7as
nac waxa yorino sram7ibath i9as
accamth nas ata9im dayas waratakas
thani yaxs wor ino nac dllif nas
min dini jaranagh 3amas warina9as
dram7ibath tama9rant thccama3 thna7as
atarigh da gazro warthma7i wartakas
ata9im damazroy 3amas waridafas
maghar sidi rabi da ythabdid akidas
nac thandadayi dibara natath di thmorth nas
thajidanagh iw marath sathnayan anghixadjas
amadjirath amozir rabda 9a natxaras
adi rab7or nasbar nfata7 waranghatas
ismino 9a thasnith nac da llif nas
a9ayi ghas da gwor dadallis i9artas
thifray nas n’worgh wayaracci wayat9atas

Ura nec d-bnadem


aya lalla yemma min agiγ i-yewdan

war djiγ d-ad’emmaє war djiγ d-axewwan

war djiγ d-axett’af xet’faγ amusiwan

Ura nec d-bnadem s waysum d-ixsan

idammen agguran daxar d-agzewran

waxxa nac d rmesk’in rajbub inu xwan

s-wagra n ddunect wallah mad ayi γwan

waxxa nec wa zemaγ qa d-wan zayi iseγwan

xazaγ γa ruxa nna min xafi d-γa yehwan

lh’amdullah ya rebbi neccin a mi d awdan

abrid inu at df’aγ waxxa s anji waman

waxxa marra yazu s reh’rac d-usennan

at cuqaγ s reh’fa am cuqaγ benna3man

ad cuqaγ tamara ad zwiγ iγzr’an

ad seqsiγ taziri ad cetciγ i yetran

ad guγ ad ttruγ ad rzuγ x wemcan

ad rzuγ x tesγat t-trelli yemseb’d’an

ad rzuγ x yejd’ad’ inni tuγa yexran

ra d-ini yemmuten ra d-ini yedderen

ura d-ini yennan awar nni yacnan

ura nec d bnadem s-idammen yeh’man

i mermi γa yaraγ wur nnec imazran

ad hnigh zi rahmum ad hnigh zeg menγan

ad hniγ zeg wawar tuγa qan imennan

ad h’eccaγ ad hiraγ ra nec ak-d iseyman


zag' dallis ( ma tghiras qa natou )

sittimagh adawam tha3jab attas athqadawam mara

Marghighda

Tga3adagh am wazamagh di thsawant n'yafrasan
mach7ar nach trajigh 3adon issagwasan
mach7ar ghakagh sbagh kasigh dagamnosan
ha ra7ri9 nthfa9a3 thghofith di fa9osan

Thasgharth ino throh chintath ikhamasan
rafrahat ayama agin khas i3assasan
waratafagh waratidaf thagor khi 3adisan
da mimon damas3od arabi yawchasan

Awar ino ayama ihar ita9sasan
dmizid nigh da marzag 9an dimasasan
khami das atasran anafs ita9fasan
takaran amwazamak akhs m7awasan

Khazarand ghar so ghazdis mayor yamothasan
amadjirath amozir dayi t9atasan
wazaman adinin aray ina9sasan

marghighda 9athagod thagrd atawad ghasan
thagor tachthi ra3ram yora sofos nsan
marghighda thajit torja yatnasasan
marghighda dajorath tosna nagh yizidan
marghighda dra9ram tadwat yamarsan
marghighda dra7mar ida9ran wayafsosan
marghighda dra39ar wani yatkharasan
marghighda drizar ikhanagh ya9arsan
marghighda adathfa9 basif mara khasan

atakar atasiwar nahra rkhadar nsasn
atadwar amazman bra aray nsan
da7ach thasrawriw rabda gawaydod nsan
oyach toghat anagh wakha thayma ghasan
rabda tamazwarot tisith 9ibar nsan
imani matho7ad atafad thizwarrasan
thbad khidan nas khthosna tha9arasan
khazman ani ya3don dwa yamrawasan
mach7ar ghathak thas9ar rabda thsbarasan


zg dallis ma tghiras 9anatou


Azraoui El hassan El mousaoui

مَاعْليكْ وَالُو رَابْحَارْ..

ءايا سيذي رابي نُوحَارْ نوري نَاهْوا

واغَاناغ ثيزاَمّارْ ءانَاكّارَ ءاسْ نْوَانَّا

ذيرْوَاسط ـ نْ ـ دْشارْ نَّاغ ـ سْ ـ ثْفَاقَّاع ـ نْ ـ فانَّا

ثغوري واناَقارْ ءاجّيبْ رابْدَا يَاخْوا

وانوفي ءانَاهْذامْ وانوفي ءانابْنــا.

وانوفي ءاناري وانوفي ءانَامْحا..

وانوفي ءانويارْ ـ خَا ـ ثْموثْ ءامَانْ نُوْضَا

نادَّارْ عاذْ وانَامُّوثْ راعْقارْ نَّاغ ياضْوا

مَاعْليكْ والو ربْحارْ ءيري مَّارَّا نازْوا

ءاذقيمَانْتْ ثَامْغَارينْ خَازّاَنْتْ ـ غَا ـ روجَاناّ

واتّــيفانْتْ موحامذْ واتـــيفانــْتْ عبذْ الله

ثَامُّوثْ ءيرومايَّانْ ءولابودْ ءاتقْضــا

ءولابودْ ءانذْوَا رْ ـ غَا ـ ثْموثْ ءيذي نَيْما

ءامانْ ذيميزيضانْ ءيني ذايْسْ ناسوا

ءيحاَنْــجين ْ ءيماَزْياَنْــنْ ءينّي ذاَيْسْ ناَجَّا

ءاغْرومْ بْراَ راكّْوازْْ وانّي ذاَيْس ناَشَّـا

راعْوينْ نّاَسْ ذاساَمّاَضْ ثْفوشاتْ رابدَا ثَاحْمـا.

ءيماَشْحارْ ما ناصبارْ ءيما شحارْ ما ناَكَّـا.

ءيماشْحارْ ما ناَقــيمْ ذوسَّانْ ذيساكُّوسـا.

كورْ ءيجّاَنْ ذيدشارْ ناَّسْ نْهارا نِيـغْ ثيــوَاشّا...

الحسن المساوي

باريس يوم 07/06/03