ءارِّيــفْ ءنوا
ءارِّيــفْ ءنوا
وازَّايي بوثيرا ذْ- راوْزانْ نْ- يازْرانْ
وازَّايي ءمَطَّاوانْ ذَ- رْحَمْــراثْ ءغَزْرانْ
وازَّايي ءاخَــرَّاسْ ذْ- وَحْـــسابْ نْ- يَــثْرانْ
وازَّايي بووازْري تَّــرِّيتْ ءمَــزْرانْ
زَّايي ءاريفْ ءنو ءاسْــخَـــبْشاغْ خِ- زَاوْرانْ
ءاسْـــخَــبْشاغْ خْ- ثِــيـذاتْ ءنَــدْرانْ ذَكْــمَضْرانْ
وخَّ قاعْ ءخَارْواذْ ءاسَــذْفاغْ ذَكَّفْــــرانْ
وخَّ والو رَهْوانْ ذاياسْ غارْ رْقَـــسْحانْ
ذاياسْ غارْ ءامَـــرَّاثْ ذاياسْ غارْ رْ- واعْرانْ
ءجْـــضيذانْ نَّسْ ءاضوينْ مَّرَّ قاعْ نَّــجْرانْ
مِــنْ ياقِّــيمانْ يَموثْ ءامْــيادَّارْ سَ- رْغَــذْرانْ
ؤوياشْ نَشينْ نْـــمونْ وَنادجِّي ذِضَـــاورانْ
ثْفوشتْ وخَّ ثَــغْري ءانْــعايانْ نَّـــقْرانْ
ءانْــعايانْ ءسَكُّوسا وانْـــتيــــشي كَ- رْواحْرانْ
وانْــتيــشي كْ- تَمارا نَــرابوتْ ذَ- كْـــذورانْ
بَسيفْ خَناغْ ءانَصْبارْ نشينْ ءيَـــتَّـــبْرانْ
بسيفْ خناغْ ءانَــمَّثْ ءادْنَـــكَّارْ زَكْـــمَضْرانْ
ءانْــراغا ذَ- كْـــجانا ءانَغْ سْرانْ يَاوْذانْ
ءادَّاوْرانْ ياجْضيذانْ غَ- ثمورثْ نَّغْ يَصفانْ
ءاذِنَاعــْناعْ ءاريفْ رَ- ذْراضشورْ ءيَـــخرانْ
ءانَـــاسيغْ ثِماسي سدو ؤوفانْ ذْ- يَمْــرانْ
ؤوياشْ نشْ سَّا نِغْ ءاكِّيـــغْ رْحَسْرانْ
ؤوياشْ ءاريفْ نَّغْ نِــثْــني غانَغْ تَّسْرانْ
ثمورثْ عبدْ كْريمْ ذْمحمَّذْ ءامَزْيانْ
ءاثــينـــيغْ ذَكْـــجانا مايمي نَّـــكْــرانْ
يَــشْهاذْ خاسَنْْ ؤومازْرويْ خَ- ثْــقــيشِّـــتْ ؤوبَـــرانْ
ثَــكَّـــارْ ذينْ ثْــماسي ءاكَّانْ ذينْ ءمَـــنْــغانْ
زغنغن يوم 22/07/05
الحسن المساوي