يــا بْنَــاذ مْ

يــا بْنَــاذ مْ


يَـا بنَـاذَمْ واتاَتُّو زيدْ خَارَّاسْ خْزارْ
ذِيدَاكَّا نَاداُّونَاشْتْ نَاشّينْ ذي نَادَّارْ
زي ـ يَامَّايشْسِي رَاحْيا ـ زيـ يَامّاشَْيسي رَُوقارْ
نَاربورْهَامْ نَّاسْ ذو ماَرَّاثْ ـ خو ـ عرارْ
وَاذياسْ يَاهنا ءايوجيرْ ءورى ذومَاحضارْ
وذاَياَسْ هنينْ ءيواسورى ءورا ذِيمَاعْضَارْ
وَاذيَاسْ ياهنا عبد كريم ءوورا ذارمُوختارْ
وَاذاَيَاسْ ءارَاسينْتْ ثنَادوينْ ءورا ذْرابحارْ
رَاخو باسيفْ خَاناَغْ ءانَافضَاحْ السارْ
بَاسّيفْ خَانَاغ ءانيني ءاشحارْ غَاناَكْ نَاصبارْ
باَسّيفْ خَانَاغ ءانيري ءاشحارْ غَانَاكْ نَافَّارْ
ما يَامو ـ غَا ـ نَاقّيمْ نَاسَّاجَّادْ زيريزارْ
واَنْزَامَّارْ ءانَاسّيوارْ ءورا ءانيني مَاغَارْ
سيوْراثْ ءينيثْ ءورَاناغ ءيعَامّارْ
سيوْراثْ ءينيثْ مَانِيِ يادْجَّانْتْ ثزَامَّارْ
ماني ثروحْ ثْغوري ثَانّي توغَا نَاقَّارْ
وانَاجّي ثِيمَاكَّ نَاشينْ عاذْ غا ـ ذافــــَارْ
وَادْنَارّي ثاذيْنيثْ وَانْزاَمَّارْ ءانَاكَّارْ
ءابْريذْ ذيسَانّاَناَنْ شْحارْ عاذْ ذا زيرارْ
ءاثنويارْ ـ سْ ـ رَاحْفا غَاثفوينْ ـ نْ ـ رَافنارْ
والله ءيما نَاقّيمْ رَابْدَا سَادو ءوضاَرْ
والله ءيما نَاقّيمْ رَابْدَا نَاطَّاسْ ـ خَا ـ صْبَارْ
نَاسُّومَاثْ ءيمُونَاسْ نَاتْعاَيانْ ناسقّارْ
نَاتْروا ءيمَاطّاَونْ ذيرْعَابونْ نخَازَّارْ

وَانْزاَمَّارْ ءاثَنْزَاوَارْْ ءورَا ذايْسْ ـ نْ ـ شاَبَارْ
ءورا ثانْحَاشَّمْ ءورا كيذاسْ نَامشَاوارْ

باريس يوم 12/02/00

الحسن المساوي